ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានអរគុណដល់ពលរដ្ឋខ្មែរដែលរស់នៅតាមបណ្ដាប្រទេសនៅអឺរ៉ុបដែលបានចេញសារគាំទ្រដំណើរទស្សនកិច្ចរបស់សម្ដេច និងត្រៀមមកស្វាគមន៍សម្ដេចផងដែរនៅទីក្រុងប្រុចសែលប្រទេសបែលហ្សិក។ 

សម្រេចតេជោបានសរសេរនៅលើ facebook ផេករបស់សម្ដេចនារសៀលថ្ងៃទី១១ ខែធ្នូ ឆ្នាំ២០២២ នេះថា សម្ដេចនិងដឹកនាំគណៈប្រតិភូកម្ពុជាទៅអឺរ៉ុបនៅម៉ោង១០យប់នេះ ដើម្បីចូលរួមប្រជុំអាស៊ាននៅបែលហ្សិក និងទស្សនកិច្ចការងារនៅប្រទេសបារាំង។

សម្ដេចតេជោបន្ថែមថា៖ «ខ្ញុំសូមអរគុណបងប្អូនជនរួមជាតិដែលរស់នៅតាមបណ្តាប្រទេសនៅអឺរ៉ុបដែលបានចេញសារគាំទ្រដំណើររបស់ខ្ញុំនិងត្រៀមមកស្វាគមន៍ខ្ញុំនៅប្រុចសែល»។  

សម្ដេចតេជោសង្ឃឹមថានឹងបានសំណេះសំណាលជាមួយបងប្អូននៅល្ងាចថ្ងៃ១២ ខែធ្នូ ឆ្នាំ២០២២ នៅប្រុចសែលតាមការគ្រោងទុក៕